ជម្ងឺភ្នែកក្រហម

ដោយឃើញថា​នៅរដូវវស្សានេះ​ មនុស្សម្នាជា​ច្រើន​មាន​ការ​កើត​នូវ​ជម្ងឺ​ភ្នែក​ក្រហម​ ហេតុ​ដូច្នេះ​នាង​ខ្ញុំ​សូម​ផ្សាយ​នូវ​លក្ខណៈរបស់​ជម្ងឺនេះ​ជូន​បង​ប្អូន​ដើម្បីជ្រាបជាពត៌មានចា៎!

បញ្ជាក់៖ ខ្ញុំ​មិនមែនអ្នកគ្រូពេទ្យទេណា៎ គ្រាន់តែចង់​ចែករំលែកចំណេះ​ដឹង​ដល់បង​ប្អូន​ក្នុងភូមិ​ប៉ុណ្ណឹងឯង អាគិគិ 😛

លក្ខណៈ

  • ភ្នែកក្រហម, ហូរទឹកភ្នែក, ឬទឹករងៃ, ពេលក្រោកពីដេកត្របកភ្នែកស្អិតជាប់គ្នា, មានអារម្មណ៍ថាមានអ្វីម្យ៉ាងក្នុងភ្នែក, ចេះតែចង់ញីភ្នែក, រមាស់ភ្នែក
  • ករណីខ្លះអាចជាទៅវិញឯកឯង ក្នុងប្រហែល៣អាទិត្យ

ការចម្លង

  • ទឹករងៃ ឬទឹកភ្នែក
  • សំបោរ ឬភាគល្អិតតូចៗតាមខ្យល់ដង្ហើម
  • តាមរបស់ប្រើប្រាស់៖ កន្សែងជូតមុខ, ស្រោមខ្នើយ, សម្លៀកបំពាក់, ភួយ ,ក្រណាត់ជូតវ៉ែនតា, វ៉ែនតា, គ្រឿងសំអាង, ថ្នាំបន្តក់ភ្នែកដែលប្រើលើភ្នែកឈឺ 

ការបង្ការ

  • ឧស្សាហ៍លាងដៃនឹងសាប៊ូ ពិសេសក្រោយប៉ះពាល់អ្នកជម្ងឺ ឬរបស់​ប្រើប្រាស់របស់អ្នកជម្ងឺ
  • ហាមញីភ្នែក
  • ប្រយ័ត្នការឆ្លងតាមសំភារៈប្រើប្រាស់ និងអាងហែលទឹក 

ការព្យាបាល

  • ស្អំទឹកកកភ្នែក ដើម្បីបន្ថយរោគសញ្ញា
  • ការដាក់ថ្នាំបន្តក់ភ្នែកនឹងជួយឲ្យអ្នកជម្ងឺឆាប់ជា និងបន្ថយការឆ្លង
  • អនាម័យភ្នែកដោយទឹក និងកន្សែងស្អាត
  • កុំប្រើថ្នាំបន្តក់ភ្នែកដែលដាក់ភ្នែកឈឺទៅលើភ្នែកដែលមិនឈឺ
  • ហាមញីភ្នែក
បានផ្សាយ​ក្នុង ជីវិត, ពីនេះពីនោះ | បានដាក់ពាក្យ​គន្លឹះ , , , , , , , | 8 មតិ

៧ក្នុងចំណោម៩ ដែលបញ្ជាក់ថា អ្នកកំពុងតែងប់ងល់ នឹងស្នេហ៍

៧ក្នុងចំណោម៩ ដែលបញ្ជាក់ថា អ្នកកំពុងតែងប់ងល់ នឹងស្នេហា ស្នេហ៍ហឺត ស្នេហ៍ហៃ អូ!!អូ!!យេ​!!!!!​!! យេ

  1. អ្នកមានចិត្ដជួយអាសារដល់ដៃគូអ្នក ដោយ​មិនចង់បានការ​តបស្នងអ្វី ក្រៅ​ពី​ចង់​បង្ហាញ​ពី​ទឹក​ចិត្ដខ្លួន។
  2. រាល់សកម្មភាព ដែលអ្នកបានធ្វើ និងជះមករកអ្នកវិញ ធ្វើឲ្យអ្ន​កមានអារម្មណ៍ថា ពិសេស​និង​សរសើរ​ខ្លួនឯង។
  3. ប្រសិន ឬ នៅពេលដែលអ្នកមានអារម្មណ៍ថា ប្រណែន ប្រច័ណ្ឌ យ៉ាងឆាប់រហ័សនោះ ធ្វើឲ្យ​អ្នក​មាន​អារម្មណ៍មិនសប្បាយចិត្ដ និងយល់ថាមនុស្សម្នាក់នោះកំពុងតែក្បត់អ្នក។
  4. គ្មានអ្វីមួយដែលធ្វើឲ្យអ្នកស្ងប់ស្ងៀម ក្រៅពីអ្នកនៅក្បែរជាមួយនឹង មនុស្សម្នាក់នោះទេ។
  5. នៅពេលដែលអ្នកឈ្លោះគ្នា ជាមួយនឹងដៃគូរបស់អ្នក អ្នកតែងតែព្យាយាមប៉ះប៉ូវ យ៉ាងលឿន និង​ព្យាយាមសម្របតាមគេគ្រប់យ៉ាង ដើម្បីធ្វើយ៉ាងណា បង្ហាញពីសេចក្ដីស្មោះត្រង់។
  6. ដៃគូរបស់អ្នកមិនដែលសួរអ្នកថា តើជ្រើសរើសយកមួយណា រវាងគាត់/នាង និងក្រុមគ្រួសារ តែក្នុងចិត្ដអ្នកបែរជាមានការសម្រេចរួចរាល់ រួមជាមួយនឹងហេតុផលដ៏សមរម្យ ថានឹងរើសយកដៃគូ។
  7. រវាងអ្នក និងដៃគូ មិនដែលធ្វើការសាកល្បងគ្នា ថាតើម្នាក់ណាស្មោះត្រង់ ឬក្បត់នោះទេ។

៧ក្នុងចំណោម៩ គឺមានតែ៧ទេ ឯ​២ទៀតទុកឲ្យអ្នកអាន​គិតមើលដោយខ្លួនឯង ព្រោះអ្នកផ្សាយអត្ថបទនេះក៏​មិនទាន់​រកឃើញដែរ អាគិគិ​ 😛

បានដកស្រង់ចម្លងពីប៉ាប៉ា (មិនមែនប៉ាបង្កើតទេ ហើយក៏មិនមែនប៉ាធម៌ដែរ គឺរហ័សនាមទេចា៎ 😛 )

បានផ្សាយ​ក្នុង ជីវិត | បានដាក់ពាក្យ​គន្លឹះ , , , , , , | 8 មតិ

ភាគច្រើន រវាងមនុស្សប្រុស និងមនុស្សស្រី

ភាគច្រើនៃ មនុស្សស្រី

  • ឆាប់​រំជួល​ចិត្ត​ជាង​មនុស្សប្រុស
  • ទន់ភ្លន់ជាង​មនុស្សប្រុស
  • ចិត្តទន់ជាងមនុស្សប្រុស មិនមែនទន់​ដូច​សំឡីទេណា៎ :p
  • និយាយច្រើន​ជាងមនុស្សប្រុស
  • ម៉ត់ចត់​ជាង​មនុស្សប្រុស
  • បារម្ភ និងខ្វល់​ច្រើន​ជាង​មនុស្ស​ប្រុស
  • ចូល​ចិត្ត​ការ​ថ្នាក់​ថ្នមជាង​មនុស្សប្រុស
  • ឆាប់ងរ​ជាង​មនុស្សប្រុស
  • ស្មោះជាងមនុស្សប្រុស
  • ចេះ​យល​ចិត្តជាង​មនុស្សប្រុស
  • ឆាប់ចាស់ជាងមនុស្សប្រុស (បើអាយុស្រករគ្នា 😦 )

ភាគច្រើនៃ មនុស្សប្រុស

  • តែង​តែ​ស្ងប់ស្ងាត់​ជាង​មនុស្សស្រី
  • មានកម្លាំង​ជាង​មនុស្សស្រី
  • សោះកក្រោះជាង​មនុស្សស្រី
  • សាវ៉ាជាងមនុស្សស្រី (ហាមតវ៉ាព្រោះគេនិយាយថាភាគច្រើន មិនមែនទាំងអស់នោះទេ :p )
  • មិនសូវស្មុគស្មាញដូចមនុស្សស្រី
  • មិនសូវចេះតថ្លៃ​ដូចមនុស្សស្រី
  • មិនសូវ​ចូល​ចិត្ត​រឿង​មនោសញ្ចេតនាដូចមនុស្សស្រី
  • មានទំនួល​ខុសត្រូវ​ខាង​ហរិញ្ញវត្ថុខ្លាំងជាង​មនុស្សស្រី
  • ពូកែ​ខាង​ផ្នេក​វិទ្យាសាស្រ្តជាងមនុស្សស្រី
  • ចូលចិត្តឯករាជ​ភាពជាងមនុស្សស្រី ( ទាំងដែលខ្លួន​មាន​ម្ចាស់ហើយ 😮 )
  • មិនសូវខ្វល់រឿងអាយុ​ ដូចមនុស្សស្រី
  • នៅលីវបានយូរជាង​មនុស្សស្រី

ហ៊ើយ!!!!!!!!!!!! ពិបាកណាស់​​ពិភពលោក​នេះ មិនដឹងថា​​ហេតុអ្វីមនុស្សពីរ​ភេទ​នេះ​ខុស​គ្នា​​ច្រើនអី​​ដល់​​ថ្នាក់នេះ​សោះ តែ​ក៏អាច​បំពេញ​ចន្លោះ​ឲ្យ​គ្នា​បាន​ទៅវិញ​ទៅមក​ ហើយ​កើត​ម​ក​​សម្រាប់​ជាគូ​នឹង​គ្នាទៀតផង​ តែ​​ក៏​ខូច​ចិត្ត​ និង​​ឈឺចាប់​មិនតិចដែរ។ មនុស្ស​ប្រុស​​ច្រើន​ថា​មនុស្ស​​ស្រី​ស៊ាំញ៉ាំ​ច្រើន តែ​​មនុស្ស​ប្រុស​ក៏​សោះកក្រោះ​​មិនធម្មតា​នោះដែរ ដឹងអត់?

ភាពខុសគ្នា​រវាងមនុស្សប្រុស​ និង​មនុស្សស្រី​នៅមា​ន​ច្រើនទៀត អាស្រ័យ​ទៅ​តាម​​មនុស្ស​ម្នាក់​ៗ និ​ង​ការយល់ឃើញ រៀប​រាប់​មិនអស់​នោះទេ ។ បើ​បង​ប្អូន​មាន​​ចំណុច​​ណា៎​ដឹង សូម​ជួយ​​បន្ថែមផង តែ​កុំលូច​កាន់ជើង​ខ្លួនឯង​ឲ្យសោះ​ណា៎ អាគិគិ 😛 

បានផ្សាយ​ក្នុង ជីវិត, ប្លែក ប្លែក, ពីនេះពីនោះ, រៀនស្គាល់ខ្លួនឯង | បានដាក់ពាក្យ​គន្លឹះ , , , , , , , , , , , | 3 មតិ