ត្រលប់មកវិញហើយ ពិតជានឹកបងប្អូនយើងទាំងអស់គ្នាមែនទែន ។ នេះណា៎រត់ចោលផ្ទះចោលសម្បែង វិចបង្វិចទៅលេងនៅខេត្តសៀមរាប ទីកន្លែងដែលផ្កាយប៉ងប្រាថ្នាជិត២០ឆ្នាំមកហើយ ទីបំផុតក៏អាចបានទៅតាមបំណង ពិតជាគួរឲ្យរំភើបចិត្តខ្លាំងមែនទែន 🙂 ។ អ្វីដែលកាន់តែអស្ចារ្យទៅទៀតនោះគឺបានទៅជួបជុំជាមួយនឹងបងប្អូនក្នុងប្លុកយើងជាច្រើននៅឯសៀមរាបតែម្តង ពិតជានិស្ស័យពីបុព្វេមែន 😛 ។
តាមពិតទៅបំណងនេះស្ទើរបរាជ័យម្តងៗទៅហើយ ដោយសារមានមូលហេតុច្រើនដែលនៅពីក្រោយ ហើយស្ទើរតែធ្វើឲ្យផ្កាយសន្យានឹងខ្លួនឯងថាឈប់ចង់ប៉ងទៅកន្លែងនោះទៀតហើយ ព្រោះបរាជ័យស្ទើរតែអស់សង្ឃឹមជារៀងរហូត ហើយគិតថាបើលើកនេះមិនបានទៅទៀត គឺឈប់ចង់ទៅរហូត 😦 ។ តែព្រះជាម្ចាស់ប្រហែលមិនចង់ឃើញផ្កាយអស់សង្ឃឹមដល់ថ្នាក់នឹងពេកនោះទេ អញ្ចឹងក៏ធ្វើឲ្យផ្កាយមានជំនឿចិត្តឡើងវិញ ហើយទីបំផុតក៏អាចបានទៅដល់អង្គវត្ត ទឹកដីខេត្តសៀមរាប ទឹកដីដែលផ្កាយប៉ងជាយូរមកហើយមែន ។ អញ្ចឹងមានន័យថា កន្លែងទី២ (សុំលាក់សិន) ដែលផ្កាយប៉ងក៏អាចមានសង្ឃឹមដែរ មិនថាចឹង? អាគិគិៗៗ។
ប្រហែលជាមិនអាចបរិយាយបានច្រើនហេ ខ្លាចបងប្អូនអ្នកអានហើយងងុយគេងមុនពេលអានចប់ រឺក៏អាចអ្នកខ្លះអានរហូតបែកពពុះមាត់ផ្កាយនឹងវីវរបណ្តោយ អាគិគិៗៗៗ។
សូមចែករំលែករូបភាពស្អាតខ្លះៗនៃដំណើរកម្សាន្តដែលជាបំណងប្រាថ្នាធំរបស់ផ្កាយនៅសៀមរាបចា៎!
ទីបំផុតបំណងប្រាថ្នាទៅកាន់អង្គវត្តក៏បានសម្រេចហើយ ហើយទទួលបានការសប្បាយយ៉ាងច្រើន ជាពិសេសអ្វីដែលរំភើបបំផុតនោះគឺបានដើរលេងរូមជាមួយបងប្អូនភូមិយើងនៅទឹកដីដែលជាបំណងប្រាថ្នារបស់ផ្កាយតែម្តង។
ជាចុងក្រោយសូមអរគុណដល់បងប្អូនយើងជាច្រើនដូចជា : អេណា, សម្លាញ់ភារម្យ, សម្លាញ់ឧត្តម, បងភីន, ល្បងបឿន, ល្បងសេង, លី ហើយស្ទើរតែមិនស្គាល់ទាល់តែមកដល់ភ្នំពេញវិញបានស្គាល់នោះគឺម្ចាស់ប្លក់ខេមរបក្សីសាស្ត្រិន និងបងប្អូនមួយចំនួនទៀតដែរមិនបានស្គាល់ឈ្មោះ ដែលបានជួយនាំផ្កាយទៅស្គាល់តំបន់កម្សាន្តជាច្រើននៅទឹកដីខេត្តសៀមរាប និងបង្ករបរិយាកាសឲ្យកាន់តែសប្បាយ អរគុណខ្លាំងណាស់ណា៎ 😀 សង្ឃឹមថានឹងមានកម្មវិធីសប្បាយៗនេះជាបន្តទៀតក្នុងពេលឆាប់ៗនេះ 🙂 ។
ជាពិសេសអរគុណដល់កូនប្រុសធំៗ ដែលបានជួយមើលថែម៉ាក់ៗម៉ាប់ៗម្នាក់នេះយ៉ាងកក់ក្តៅ អរគុណកូនម៉ាក់ 🙂
មិនថាម្សិលមិញ រីស្អែកមានអ្វីកើតឡើងនោះទេ សូមត្រឹមតែពេលនេះមានសេចក្តីសុខទៅបានហើយ 🙂
ទំព័រជីវិត 
សុំច្រៀងចម្រៀងពីរបីឃ្លា ឱផ្កាយលើមេឃ អ្នកល្អចំលែកគួរអោយស្នេហា តើនេះជាផ្កាយរបស់អ្នកណា គួរអោយស្នេហា ពេលឃើញផ្កាយសួគ៌ គួរអោយស្នេហា ពេលឃើញផ្កាយសួគ៌ ៕ ពីក្មេងល្ងង់ស្រុកស្រែ
យ៉ាស់ អំភើបចង់ហៀរទឹកម៉ាត់កខ្លាក់ហើយផ្កាយ ពេលបានលឺក្មេងស្រុកស្រែច្រៀងឲ្យស្តាប់ចឹងដូចមានអារម្មណ៍ ចង់បាក់លើប្រុសក្មេងម៉េចមិនដឹងហេនៀក??? អរគុណដែលបានឧស្សាហ៍ចូលលេងទីនេះណា៎ 🙂
អត់បរបួលគ្នាម៉ាម៉ាត់ ចុះបានប្រុសក្មេងមកពីណាបណ្តើរហ្នឹង?
បបួលឯណា? បើមិនស្គាល់លេខតេអាសាប់ផងនឹង នេះណាផ្កាយទាល់តែជិតដល់ថ្ងៃមែនទែនហើយបានដឹងនឹង ។ ប្រុសក្មេងមួយណា? បើម្នាក់ថតមុខអង្គរនឹងកូនប្រុសផ្កាយណា តែកុំហៅប្រុសក្មេងអីប្រយ័ត្នគេឈ្លក់បាយ អាគិគិ 😛
ក្មេងស្រុកស្រែច្រៀងអត់ពិរោះទេ បានតែច្រៀងលេងពេលឃ្វាលគោ ណឹង។សំលេងក៏មិនបាន សម្រស់ក៏មិនកើតទៀត យ៉ាប់ណាស់ខ្ញុំ
សំលេងពិរោះមិនពិរោះអាស្រ័យលើអត្ថន័យបទចម្រៀងដែរ ហើយសម្រស់មិនស្អាតក៏មិនថ្វី ឲ្យតែចិត្តមិនដូចរូបនោះប្រពៃណាស់ទៅហើយណា៎ 😀
Usually I don’t read post on blogs, however I wish to say that this write-up very compelled me to check out and do so! Your writing style has been surprised me. Thank you, quite great article. My blog is blog.KHMER79.com.
Why dont you try to promote your blog? You may try a free Khmer Web directory for All CAMBODIAN.
AGAIN! Keep doing excellence job i strongly support you!
thank you so much for visited my blog 🙂
«ទិដ្ឋភាពស្រស់ស្អាតលើភ្នំគូលែន» ឃើញតែមនុស្សពីរនាក់កំពុងស្ញេញ ហើយនិងកៅអីទោងមួយហ្នឹង!? o,O
នឹងហើយ ទិដ្ឋភាពស្រស់ស្អាតនោះ អាគិគិ
«ទិដ្ឋភាពស្រស់ស្អាតលើភ្នំគូលែន» ?
ខំសំឡឹងរកមើលកំពូលភ្នំគូលែនដែរ
តែកុំអោយតាឃើញអីបន្តិច 😀
ឃើញតែសើចស្ញាញដូចក្មេងស្រែថាមែនហ្នឹង !
នឹងហើយទាក់ទាញចំណាប់អារម្មណ៍ឲ្យមើលផ្កាយស្ញេញនឹងណា ស្រស់ស្អាតហេ? អាគិគិ
ស្អាតផស់គេ ! 😀
ហេហេ មិនបាច់សរសើរចំៗពេកហេ បើទោះអត់សរសើរក៏ផ្កាយសរសើរខ្លួនឯងដែរ អាគិគិ
I wish one day, will be accompanied too
hope your wish will come true soon 🙂
បងស្មានតែណាត់គ្នាទៅតើ បើជួបគ្នានៅទីនោះ ពិតជាព្រេងសំណាងពីបុព្វជាតិហើយ ។ មើលរូបថតហើយពិតជាអត់ច្រណែនមិនបានទេ ពិតជាសប្បាយមែន ។
ទៅផ្សេងគ្នាជាមួយអ្នកភូមិ ហើយក៏ណាត់គ្នាដើរលេងជាមួយគ្នាតែម្តងទៅ ព្រោះផ្កាយទៅ អត់ស្គាល់ឯណាហេ ជាលើកទី១ ពេលអ្នកភូមិហៅទៅគូលែនក៏ប្រូចតែម្តង ។ សប្បាយមែនណាបង ដើរលេងមិនប្រចាំគ្នា ហើយស្រស់ស្រួលគ្នាបានល្អទៀតផង ។ បើមានបងស្រី ម្នាក់ទៀតដឹងសប្បាយយ៉ាងណាហេ 🙂
សង្ឃឹមថាលើកក្រោយមានបងដែរទៅចុះ !
ផ្កាយក៏សង្ឃឹមចឹងដែរ ពិតជាចង់ជួបបង និងអូនតូចៗរបស់បងខ្លាំងណាស់ 🙂
កន្លែងទី២ មើលអឺ……..ប្រហែលព្រះវិហារមើលទៅ
ទី២ណា? អត់យល់
សួរស្ដីផ្កាយ! អត់ហៅញ៉ុមទៅផងទេ
សួរស្តីប្រុសចាហារ មិនមានគម្រោងច្បាស់ ហើយណាមួយក៏អត់ដឹងហៅតាមណាដែរ ធ្វើម៉េចហូវ? 🙂
យី សប្បាយដល់កហើយ! ក្នុងឱកាសអីហ្នឹងយាយម៉ាប់? ថ្ងៃក្រោយតើអាចមានខ្ញុំដែរទេណ៎! ចុះម៉េចជួបពួកវើតប្រេះដែរចឹង…
ចា៎សប្បាយតើ តែមិនសប្បាយខ្លាំងពេកនោះទេ ។ ទៅថ្ងៃអុំទូកនឹងណា៎ នៅភ្នំពេញអត់មានអីលេងហើយសម្រេចចិត្តចុងក្រោយផងក៏ទៅសៀមរាបតែម្តងទៅ ។ ថ្ងៃក្រោយ? រឿងអីថាមិនបាននោះ ខ្លាចតែរដ្ឋមិនផ្តល់កក្តិយសដល់ផ្កាយនោះទេ។ ដោយគម្រោងទៅកន្លែងដូចគ្នា តែទៅថ្ងៃខុសគ្នា ចឹងក៏ ណាត់គ្នាជួបដើម្បីដើរលេងទាំងអស់គ្នាតែម្តងទៅ ។ ពិតជាមាននិស្ស័យមែន។ 🙂
អូ! មើលទៅគួរឲ្យសប្បាយណាស់តើនៀកផ្កាយ, តើការធ្វើដំណើរស្រួលដែរទេ
មានដាច់ថ្នល់ព្រោះទឹកជន់រឺអត់? ឮថានៅសៀមរៀប នៅអង្គវត្តទឹកជន់លិចអស់
ពេលផ្កាយទៅលេង ស្រកអស់ហើយហ៎, ខ្ញុំធ្លាប់ទៅដល់ត្រឹមអង្គរវត្ត ពីរដង តែ
មិនមានពេលទៅដល់ភ្នំគូលេនសោះ តាមពិតចង់ទៅលេងភ្នំគូនលេនយូរហើយ
ព្រោះធ្លាប់អានប្រឡោមលោកទាក់ទងនឹងរឿងភ្នំគូលេន គួរឲ្យចង់ទៅណាស់។
អគុណផ្កាយដែលបានចែករំលែកសេចក្តីសប្បាយ 😀
សួស្តីចំណាន អរគុណដែលបានចូលលេងផ្ទះផ្កាយ!
ចា៎សប្បាយតើ នេះណា៎ខំដាក់តែរូបណាដែរមើលទៅសប្បាយៗប៉ុណ្ណោះ ព្រោះចង់ចែករំលែកការសប្បាយដល់បងប្អួនអ្នកភូមិយើង ។ មុនទៅបារម្ហរឿងទឹកលិច ខូចផ្លូវអីដែរ តែទៅដល់អត់មានអីផង ផ្លូវស្រួលធម្មតា មិនមានបញ្ហាអីនោះទេ។ និយាយនាំខ្មាស់គេនេះជាលើកទី១របស់ផ្កាយហើយក៏ជាបំណងជាយូរណាស់មកហើយ សំណាងដែរពេលទៅបានបងប្អួនអ្នកភូមិបបួលទៅភ្នំគូលែន កុំអីគ្មានបានទៅនោះទេ។ អរគុណដល់បងប្អួនអ្នកភូមិយើងខ្លាំងមែនទែន។ សង្ឃឹមថ្ងៃក្រោយបានជុំគ្នាទាំងអស់គ្នាណាចំណាន។ 🙂
ហ្នឹងហើយដើរលេងគ្នាច្រើនចឹងបានសប្បាយ 😀 ដើរលេងច្រើនទៅដើម្បីសម្រក
ទម្ងន់ខ្លះឲ្យរាងស្វិញឡើងថែមមួយកម្រឹតទៀតហ្នឹងណាផ្កាយព្រះអង្គារ៍ 😀
ប្រហែលជាមិនចឹងហេ គឺដើរច្រើនស្រាលខ្លួន ស្រាលអស់ពីខ្លួន ជាពិសេសពីកាបូបលុយតែម្តង 😦